ඉරබටු තරුව (හැඟීම් මාත්‍රයක් පමණි - කවියක් නොවේ)

නැතක් නම් තරු
තැන් තැන් වල
රාශි වෙලා..
තට්ට තනියම
නුඹ විතරක්..

හඳ නැගුණත්,
අමාවකටත්..
සීතල රෑටත්,
ගිනි රස්නෙත්..
හැමදාමත්
නුඹ එතන ම යි...

බොහොම ඈත
තරු දහස් ගණන් අතරේ
කලබලේ දුවන දෑස්
ඇයි නුඹේ ළඟ ම
හැමදාමත්
නතර වෙන්නේ..
ඒ නතර වෙලා
බොහොම ශාන්තව
බලාගෙන ඉන්නේ
ඇයි කියලා
තවමත් මට තේරුමක් නැහැ..

වෙලාවකට
පහ තරුව ලු..
තවත් වෙලාවකට
ඉරබටු තරුව ලු..
සමහරු කියන්නේ
සිකුරු තරුව ලු..
බහුශ්‍රතයන්ට නම්
නුඹ ග්‍රහ ලෝකයක් ලු..

කාට කොහොම උණත්
මට නම්
නුඹ
හැමදාමත්
ඈත බටහිර ක්ෂිතිජයෙන්
අහසට නැගිලා,
මගේ තනිකම, පාළුව
ඇසිල්ලකින් නැති කරන
මගේ ම
ඉරබටු තරුව...

ඒ බැඳීමට
නමක් දෙන්න තරම්
මට තේරුමක් නැහැ..
ඒත්..
නමක් නැති
ඒ සදාකාලික බැඳීමට
මම මහා ගොඩක්
ආදරෙයි..