සිය ගණන් තරු මැවෙනවා
නිල් ගුවන් තෙර - අඳුරු මුලුවල
තරු යුවළ පෙම් කරනවා
හිරු නැගෙන විට - සඳට පෙම් කළ
තරු එකින් එක මැකෙනවා
තරු නැතත් ලොව - එළිය වනු දැක
නිරාමිස සුව විඳිනවා
සෙනගක තනි වී - තරු මතක් වී
හිරු ද කඳුලැලි හෙලනවා
හෙලන සුසුමන් - නගන කඳුලැල්
අඳුරු වලාවල රැඳෙනවා
තවත් මොහොතක - හිරු ද ඉඳහිට
සඳට රහසින් නැගෙනවා
සඳුත් නොදැන ම - බියපත් තරු රල
හිරු නොදැක ම මැකෙනවා
සඳුට රහසේ - හිරුට පෙම් කළ
පහන් තරුවක් තිබෙනවා
හිරුගේ තනියට - තවම ඉඳ හිට
අලුයම් අහසේ නැගෙනවා..
එස් එම්. නිෂ්මි
