කිඩාරම් මල් පීදිලා - නැවුම් සුවඳ නෑ වියැකිලා.
නියඟලා අල විෂ වෙලා - මහ පොළොව යයි ඉරිතලා.
ගසුත්, කොළ අතු වියලිලා - බුරුත, නැදුන් ගස් මැලවිලා.
ලූණු කොළ, කඳ වියලිලා - දුවිල්ල එහි පැටලිලා.
තෙතක් නැති දිව වියලිලා - ලෙයක් නැති ශිරා හැකිලිලා
හාමතේ, පිපාසෙන් මත් වෙලා - ඇත්තු මියැදෙත්, කතර තනි වෙලා.
හමන හුළඟක දැවටිලා - සුමුදු වළා රැළි, එයි ගලා
වැටෙයි මහ වැහි ගුගුරලා - වියළි ඉරි බිම ඇඳි මකා
නැවුම් පුසුඹ එන විට හමා - ලූණු දලු යළි මතු වෙලා..
බුරුත නැදුන් කඳ තෙත් වෙලා - එහෙත් ඒ නෑ පණ ලබා..
Subscribe to:
Post Comments (Atom)
එස් එම්. නිෂ්මි
කටුක ගිම්හානය නිමවෙලා -දිනක ...වසන්තය එනවා සත්තකයි !
ReplyDeleteඑහෙනම් එතකම් බලාගෙන ඉමු!! :)
Deleteජය වේවා රෙහානි!
ලස්සන සංකල්පනාවක්.. හිතුව හිතුව පද 2ක් ගලපන්න...ම්හු.. හරියන්නෙම නෑ.
ReplyDeleteස්තුතියි මිත්‍රයා.. තවත් උත්සාහ කරන්න.. බැරි වෙන්නේ නැහැ!! :)
Deleteජය වේවා!
හරිම කටුක අත්දැකීමක් නෙව විස්තර වෙන්නේ...
ReplyDeleteනිරෝගී වේවා෴දීර්ඝායු වේවා෴ සැප වේවා෴චිරං ජයතු!!!
බොහොම කටුකයි මිත්‍රයා.. ජීවිතය කියන්නේ එහෙම දෙයක් නේ..
Deleteඑසේ ම වේවා!!
වසන්තය එනවා සත්තකයි...
ReplyDelete:)
Deleteස්තුතියි Pramudi! :)
ජය වේවා!
වියලි බිම් තෙත් වෙන්න - වසීවී මල් වැස්ස
ReplyDeleteදසත සියොතුන් ඉගිල යන - දිනක් එයි ළඟදීම
ගම් නියම් යට වෙන්න
Deleteමහා ගොඩක් වැස්සා ට
බුරුත නැදුන් ගස් වලට
යලිත් පණ ලැබ ගන්න
ඉඩක් නෑ කිසි දාක
ඉතින් මල් වැහි කුමට
හඬක් ඇයි සියොතුන්ට?
Nice one aiye
ReplyDeleteSeems you are still using that college laptop!
DeleteAnyway,Thanks a lot Nanga!
හැම අහිතකර බලපෑමකටම පස්සේ හිතකර දෙයක් එනවා කියන කාරනය අනුව නම් හරි..
ReplyDeleteඒත් කිඩාරම් මල් වලින් විදුවන්නේ නැවුම් සුවඳක් නොවේ උහුලන්නට බැරි දුර්ගන්ධයක්..
ඒ අදහස වෙනස් අයුරකින් කිව්වනම් හරි.
මෙතන දී කවියෙන් අදහස් කළේ වෙනස් ම දෙයක්. නමුත් බොහෝ දෙනෙක් ඒක තේරුම් අරන් තියෙන්නේ වෙනත් ආකාරයකට කියලයි වැටහෙන්නේ.
Deleteකිඩාරම් මල් පිපුණු නිසා නැවුම් සුවඳ නැති වෙලා කියන දේ යි මම අදහස් කළේ. ඒ වගේ ම කවිය තුලින් කියන්න උත්සාහ කළේ, අනුවර්තනය වන පුද්ගලයා මිස කොයි තරම් ශක්තිමත් අයෙක් වුණත් ආරක්ෂා වෙන්නේ නැහැ කියන දේ. නමුත් මෙයින් ගම්‍ය වෙලා තිබෙන්නේ මීට වෙනස් අර්ථයක් බවයි පෙනෙන්නේ..
මගේ අදහස් ප්‍රකාශනය සමහර විට සාර්ථක නොවුණු නිසා වෙන්න ඇති වැරදි තේරුමක් ලැබුණේ..
රෝමයට ගිහාම රෝමන් කාරයෙක් වගේ ඉන්න ඕන කියන්න ඕකට තමයි රැංගෝ..
ReplyDeleteවවුලගේ මගුලට යද්දී සරම් ඇඳන් යන්න එපා කියන්නේ ඒකයි නේ අක්කේ!! :)
Deleteබොහොම ස්තුතියි මේ පැත්තේ ආවට!
ජය වේවා!!
කවි පද ගැලපීම නම් හොදයි.
ReplyDelete//කඩර මල පຩල - නව සවඳ න යකල.// මෙතනින් අදහස් කලේ කීඩාරම් වල ගදට වඩා සුවද හමනවා කියන එකද?
ස්තුතියි මිත්‍රයා.. එහෙමයි කියලා ගන්නත් පුළුවන්.. එහෙම නැත්නම්, තිබුණු සුවඳ ඒ ගඳ නිසා නැති වෙලා කියලා හිතන්නත් පුළුවන් නේද?
Deleteඒ ඒ කාලෙට සිද්ධ වෙන දේවල් වලට අනුව හැඩගැහෙන්න අපි පුරුදු වෙන්න ඕන. නැත්තන් ආයෙත් කවදාවත්ම ජීවිතේ හදාගන්න බැරි වෙනව. ඔයාගෙ නිසදැස කියවද්දි මතක් උනේ තුත්තිරි ගහ. ඒකත් සැඩ සුළඟකදි උනත් ඒ මේ පැත්තට නැවිල කොහොම හරි කඩා වැටෙන්නෙ නැතුව ඉන්නව. එහෙම නැති ගස් කඩාගෙන වැටෙනව.
ReplyDeleteමේ උපමාව නම් හරිද මංද...ඒ උනත් ඔයා ලූණු ගැන කියල තියෙද්දි මට මතක් උනෙ තුත්තිරි ගහ :) )
රචනාවක් වගේ නෙවෙයි කවියක්.යම් තාක් බුද්ධියකින් එය ග්‍රාහනය වු කාලි තමයි එහි අර්ථය වැටහෙන්නේ.කවිය මාත් යම් තාක් දුරට කියවා සමාන්‍ය අර්ථයක් ලබා ගත්තද සමහරක් තැන් නැවත නැවත කියවිම තුලින් අර්ථයට යන්න පුළුවන්.ඔබේ නිර්මාණයේ වරදක් නොමැත.වරද අප සිත් එය කොයි තරම් දුරට ග්‍රාහනය කර ගන්නවාද ඒ ග්‍රාහනය කරගත් ටික මතයි.
ReplyDeleteThis comment has been removed by the author.
ReplyDeleteසොබාදහමට හැකි වුව
ReplyDeleteහැඩගැහෙන්නට අවැසි විදියට
හිත්වලට කොපමණ අසීරුද
අනුවර්තනය වෙන්නට
ලෝකෙට ඕනැ විදියට!
උදාවූ නව වසර සියලු දෙනාගේම යහපත් සිතුම් පැතුම් ඉටුවන සුභ නව වසරක් වේවා!
ReplyDeleteඅළුත් වසරක් - අළුත් දිනක් - නිවහල් ජාතියක් - ජාතීන් අතර සමගියක්
සති හතරක් නිහඩ අරුණැල්ල නව වසරේදීත් උදාවේවා!
උගත් පාඩම් තුළින් හැදෙමු. අන් අයටත් කියා දෙමු.